MAE’R CYNG. NISHANT CHANDOLIA YN ENNILL BUDDUGOLIAETH HANESYDDOL I LANHAU AFONYDD AC ARFOR ABERYSTWYTH ‒ Mae’r Cyng. Nishant Chandolia wedi ennill buddugoliaeth hanesyddol i gymuned Aberystwyth, gan dderbyn cefnogaeth drawsbleidiol unfrydol am ddau gynnig o bwys i fynd i’r afael â “llygru systemataidd” dyfrffyrdd lleol. Mae’r cynigion, wedi eu cyflwyno gan y Cyng. Chandolia yng nghyfarfod y Cyngor Llawn ar 27 Ebrill 2026, yn dilyn rhyddhâd data gwaradwyddus sy’n dangos i’r afon Ystwyth orfod dioddef 111 dadlwythiad o garthion yn y flwyddyn diwethaf, sef cyfanswm o 1,126 awr. Mae hyn yn gyfystyr â 47 diwrnod o ddadlwytho carthion yn ddi-dor i’r afon.

Dywedodd y Cyng. Nishant Chandolia, cynrychiolydd dros Ward y Canol ar Gyngor Tref Aberystwyth: “Ni ellir gwahanu ein hunaniaeth fel tref o afonydd Rheidol, Ystwyth a Bae Ceredigion. Mae gweld carthion crai yn cael eu rhyddhau i’n harbwr 1.6 gwaith yr wythnos ar gyfartaledd yn fethiant na allwn ni ei anwybyddu dim mwy. Des i â’r cynigion hyn yn eu blaen am fod rhaid inni symud y tu hwnt i eiriau. Mae’r bleidlais hon yn rhoi mandad ffurfiol i mi i fynnu gwell i’n preswylwyr ac i’n busnesau lleol.”

Mae’r cynigion llwyddiannus yn rhwymo’r Cyngor i strategaeth atebolrwydd newydd “O’r Ffynhonnell i’r Môr”, dan arweiniad y Cyng. Chandolia, sy’n cynnwys:

Atebolrwydd Cyhoeddus: galw’n ffurfiol ar Ddŵr Cymru ac ar Gyfoeth Naturiol Cymru i ddod i gyfarfod sy’n agored i’r cyhoedd i esbonio eu cynlluniau buddsoddi ar gyfer 2025–2030.

Atal Datblygu Gwael: am fod Cyngor Tref Aberystwyth yn ymgynghorai statudol i geisiadau cynllunio, bydd yn argymell gwrthod unrhyw adeiladau newydd nad ydynt yn cynnwys carffosiaeth fodern (SuDS), i leihau’r straen ar garthffosydd Fictoraidd y dref.

Tryloywder Amser Real: mynnu bod Dŵr Cymru yn darparu rhybuddion cyhoeddus ar unwaith ac yn dra aml bob amser mae gorlifiad yn digwydd.

Iechyd Glas Gyntaf: mabwysiadu egwyddorion “Cynnig i’r Môr”, gan sicrhau bod iechyd ein dyfroedd yn flaenoriaeth o’r radd flaenaf ym mhob penderfyniad y cyngor.

Yn sylwi ar yr argyfwng yn yr ardal, ychwanegodd y Cyng. Chandolia: “Am fod Ceredigion bellach yn rhengoedd yr ardaloedd mwyaf llygredig yn y DU yn ddiweddar, rydym ni’n tynnu llinell yn y tywod. Tra bod afonydd lleol eraill fel Teifi yn y penawdau newyddion am y rhesymau lleiaf teilwng, rydw i’n benderfynol o sicrhau bod Rheidol ac Ystwyth yn cael eu hamddiffyn rhag dirywiad tebyg. Dyma ymladdiad dros drylowder a thros safonau dŵr mae ein cymuned yn eu haeddu.”

Ar ben y newidiadau polisi, mae’r Cyng. Chandolia hefyd yn pleidio achos ymgyrch cymunedol lleol “Atal yr Atal” i helpu preswylwyr a busnesau leihau’r seimiau a’r pethau “angharthiadwy” sy’n cyfrannu at 80% o atalfeydd yn y carthffosydd lleol.

Nishant ar Instagram, Facebook (Saesneg)

by

Cofiwch, rydym ni’n wirfoddolwyr nad ydym ni’n cael ein talu am ein hamser mewn cyfarfodydd neu’n eich cynrychioli chi, sy’n cymryd oriau lawer o’n hamser ni. Rydym ni’n gwneud hyn yn unig am ein bod ni’n caru ein tref. Mae gan y Cyngor Tref nifer fach o staff cyflogledig sy’n gweithio’n galed inni. Gadewch inni fod yn glir na chaiff y wefan hon ei chyhoeddi na’i chynnal gan y Cyngor Tref neu ei staff, ond gan grŵp bach o gynghorwyr fel unigolion. Yr awduron unigol sy’n postio biau’r barnau a fynegir ganddynt yma.

Peth arall nad ydym ni am ei wneud yw defnyddio’r wefan hon i sgorio pwyntiau gwleidyddol neu ymgyrchu’n etholiadol. Mae llawer o lefydd a chyfleoedd eraill i wneud hynny. Credwn ni mewn cyfathrebu positif ac adeiladol gyda phreswylwyr a chyda’n gilydd lle a phryd bynnag y gallwn ni, ynghyd â phobl eraill o unrhyw bleidiau cynyddgarol sy’n cymryd gofal am bobl gyffredin.

Pwrpas y wefan hon yw rhoi gwybod i chi beth sy’n digwydd yn y dref. Triwn ni ein gorau i fod mor ffeithiol ag sy’n bosibl, er na allwn ni ddim llai na rhoi ein barnau fel y gwelwn ni bethau. Gallwch chi ein dal ni i gyfrif amdano!

Rydym ni’n paratoi rhestr o gwestiynau cyffredin (sydd ar ddod) am wybodaeth sylfaenol am beth rydym ni’n ei wneud – a beth nad ydym ni ddim yn ei wneud – a chofiwch nad y Cyngor Sir ydym ni! Nid yw’r Cyngor Tref ddim yn gwagio’ch biniau chi a nid yw’n codi tâl arnoch chi am barcio, er enghraifft. Nid yw’n trwsio’r ffyrdd neu redeg yr ysgolion neu’r cartrefi gofal. Y Cyngor Sir sy’n rhedeg y gwasanaethau mawr yna. Er hynny, mae llawer rydym ni’n ei wneud i chi, felly rydym ni’n credu mai eich hawl chi yw gwybod beth. Ein amcan ni yw helpu i roi gwybod i’r cyhoedd am beth mae’r Cyngor Tref yn ei wneud a beth yw ei ddyletswyddau (mewn tudalennau sydd ar ddod). Yn y cyfamser, gallwch chi siecio gwefan y Cyngor Tref.

Tra rydym ni’n datblygu’r wefan hon, teimlwch yn rhydd i anfon ebost atom ni, at y Cyngor Tref, neu wrth gwrs at unrhyw un o’ch cynghorwyr tref, os oes gennych chi unrhyw gwestiynau am beth rydym ni’n ei wneud neu am faterion penodol. Rydym ni wedi ein hethol i wneud ein gorau i’ch helpu chi ar faterion lleol sy’n codi ble bynnag y gallwn ni.

Fersiwn Saesneg y wefan hon yw https://aberystwyth.online

Gweler y tudalen Amdanom Ni i gael mwy o fanylion.

by